മലയാളികൾ ഏറ്റവും കൂടുതൽ കുടിക്കുന്ന പാനീയങ്ങളിലൊന്നാണ് ചായ. ഒരു ദിവസം തന്നെ മൂന്നും നാലും തവണ ചായ കുടിക്കുന്ന എത്രയോ പേരുണ്ട് നമുക്കിടയിൽ. ണ്.പല തരത്തിലുള്ള ചായകൾ പരീക്ഷിക്കുന്നവരാണെങ്കിൽ നിങ്ങൾ ROSE TEA കുടിച്ചിട്ടുണ്ടോ? റോസാപ്പൂ ഇതളുകൾ ചേർത്ത് തയ്യാറാക്കുന്ന ഈ ചായയ്ക്ക് ഗുണങ്ങളേറെയാ
സൗന്ദര്യ സംരക്ഷണത്തിനും, പാചകത്തിനും ഉൾപ്പെടെയുള്ള പല തരത്തിലുള്ള ഉപയോഗങ്ങളുള്ള ഒരു പുഷ്പമാണ് റോസാപ്പൂ. മധുരപലഹാരങ്ങൾ അലങ്കരിക്കാൻ ഉപയോഗിക്കുന്നത് മുതൽ പൂവിന്റെ ഉണങ്ങിയ ദളങ്ങളിൽ നിന്ന് ഗുൽക്കണ്ടും റോസ് സർബത്തും ഉണ്ടാക്കുന്നത് വരെ പല തരത്തിൽ ഭക്ഷണങ്ങളിലും പാനീയങ്ങളിലും റോസാ പൂക്കൾ ഇന്ത്യക്കാർ കാലങ്ങളായി ഉപയോഗിച്ചു വരുന്നു.
സൗന്ദര്യവർദ്ധകവസ്തുക്കളിലും ഓർഗാനിക് ക്രീമുകളിലും തൈലങ്ങളിലും റോസാപ്പൂ ഒരു പ്രധാന ഘടകമാണ്. നമ്മുടെ മൊത്തത്തിലുള്ള ആരോഗ്യത്തിനും ചർമ്മത്തിന്റെയും മുഖത്തിന്റെയും ഭംഗി വർദ്ധിപ്പിക്കുന്നതിനും ആരോഗ്യപരമായ നിരവധി ആനുകൂല്യങ്ങൾ ഇതിലുണ്ട്. റോസ് വാട്ടറും റോസ്ഷിപ്പ് സീഡ് ഓയിലും സൗന്ദര്യസംവിധാനങ്ങളിൽ പതിവായി ഉപയോഗിക്കാറുണ്ട്. അതിനാൽ റോസാപ്പൂവിന്റെ സത്തിന് ലോകമെമ്പാടും വളരെയധികം ആവശ്യക്കാരുണ്ട്. ശരീരഭാരം കുറയ്ക്കുവാനും നിങ്ങളുടെ ശരീരത്തിന്റെ ഭംഗി വർദ്ധിപ്പിക്കുവാൻ പോലും റോസാ പൂക്കൾ സഹായിക്കുമെന്ന കാര്യം നിങ്ങൾക്കറിയാമോ?
നിങ്ങൾ ശരീരഭാരം കുറയ്ക്കാൻ ആഗ്രഹിക്കുന്നുവെങ്കിൽ, നിങ്ങളുടെ ദൈനംദിന ഭക്ഷണക്രമത്തിൽ ഉൾപ്പെടുത്താനുള്ള മികച്ച ഔഷധ പാനീയമാണ് റോസ് ചായ. എന്നിരുന്നാലും, ചായയുടെ ആരോഗ്യ ഗുണം അതിൽ മാത്രമായി ഒതുങ്ങി നിൽക്കുന്നില്ല. ഇതിൽ അടങ്ങിയിട്ടുള്ള ആൻറി ഓക്സിഡൻറുകൾ ചർമ്മത്തിന്റെയും മുടിയുടെയും ആരോഗ്യം മെച്ചപ്പെടുത്താൻ സഹായിക്കുന്നു, മാത്രമല്ല ദഹനത്തിനും ഇത് നല്ലതാണ്. റോസാപ്പൂവിന്റെ സൗരഭ്യവാസന നമ്മുടെ മനസ്സിൽ സ്വാധീനം ചെലുത്തുന്നതിനാൽ ഇത് സമ്മർദ്ദം അകറ്റി മാനസികാവസ്ഥ വർദ്ധിപ്പിക്കുന്നതുമാണ്. വീട്ടിലും ഇത് തയ്യാറാക്കാൻ വളരെ എളുപ്പമാണ്, കൂടാതെ കടകളിൽ നിന്ന് വാങ്ങാൻ ലഭിക്കുന്ന റോസ് ടീയെ നിങ്ങൾ വിശ്വസിക്കുന്നില്ലെങ്കിൽ, നിങ്ങൾക്ക് പുതിയ റോസാപ്പൂ ദളങ്ങൾ ഉപയോഗിച്ച് ഇത് സ്വയം തയ്യാറാക്കാം.
റോസ് ടീയുടെ ചില ഗുണങ്ങൾ ഇതാ:
1. വീക്കം നേരിടുന്നു: ആന്റിഓക്‌സിഡന്റുകൾ ഉള്ളതിനാൽ റോസിന് വീക്കം തടയുവാൻ സഹായിക്കുന്ന ആൻറി-ഇൻഫ്ലമേറ്ററി ഗുണങ്ങളുണ്ട്. വീക്കം, ശരീരഭാരം എന്നിവ തമ്മിലുള്ള ബന്ധത്തിലേക്ക് പല ഗവേഷണങ്ങളും വീണ്ടും വീണ്ടും വെളിച്ചം വീശുന്നതിനാൽ, റോസ് ടീ ശരീരഭാരം കുറയ്ക്കുന്നതിന് ഉത്തമമാണ് എന്ന് തന്നെ നമുക്ക് പറയാം.
2. വിശപ്പ് നിയന്ത്രിക്കുന്നു: കാപ്പി അല്ലെങ്കിൽ ചായയ്ക്ക് ആരോഗ്യകരമായ കഫീൻ രഹിത ബദലായി റോസ് ടീ കഴിക്കാം, വിശപ്പ് നിയന്ത്രിക്കാനും, അതുവഴി ശരീരഭാരം കുറയ്ക്കാനും ഇത് ഉപകരിക്കുന്നു.
3. ദഹനം വർദ്ധിപ്പിക്കുന്നു: ശരീരത്തിലെ ദഹന ശേഷി വർദ്ധിപ്പിക്കുന്നതിന് റോസ് ഗുണകരമാണെന്ന് അറിയപ്പെടുന്നു, കൂടാതെ ശരീരഭാരം കുറയ്ക്കാൻ ആരോഗ്യകരമായ ദഹനവ്യവസ്ഥ പ്രധാനമാണ്. നിങ്ങളുടെ ദഹനനാളത്തിൽ നല്ല ബാക്ടീരിയകളെ വളരാൻ റോസ് ടീ സഹായിച്ചേക്കാം. അതിനാൽ ഇത് മലബന്ധത്തിനും വയറിളക്കത്തിനും ഒരു ഫലപ്രദമായ ഔഷധ പരിഹാരമായി ഉപയോഗിക്കുന്നു.
4. വിഷവസ്തുക്കളെ നീക്കം ചെയ്യാൻ സഹായിക്കുന്നു: ഡിറ്റോക്സ്, ഡൈയൂററ്റിക് ഗുണങ്ങൾ എന്നിവ കാരണം ശരീരത്തിൽ നിന്ന് ദുഷിപ്പുകൾ അകറ്റി, മൂത്രനാളിയിലെ അണുബാധ തടയാൻ റോസ് ടീ കുടിക്കുന്നത് സഹായിക്കും.
- രോഗപ്രതിരോധ ശേഷി വർദ്ധിപ്പിക്കുന്നു: ആരോഗ്യകരമായ രീതിയിൽ ശരീരഭാരം കുറയ്ക്കാൻ, നിങ്ങൾ ആദ്യം രോഗങ്ങളിൽ നിന്ന് മുക്തമായിരിക്കേണ്ടത് അത്യാവശ്യമാണ്. ഇതിൽ വിറ്റാമിൻ സി അടങ്ങിയിരിക്കുന്നതിനാൽ റോസ് ടീ നിങ്ങളെ അണുബാധകളെ ചെറുക്കാൻ സഹായിക്കും.
വീട്ടിൽ തന്നെ പ്രകൃതിദത്ത റോസ് ടീ എങ്ങനെ ഉണ്ടാക്കാം
നിങ്ങൾ എങ്ങനെ കുടിക്കാൻ ആഗ്രഹിക്കുന്നു എന്നതിനെ ആശ്രയിച്ച് റോസ് ടീ ഉണ്ടാക്കുന്നതിനുള്ള നിരവധി മാർഗങ്ങളുണ്ട്. ഉണങ്ങിയ റോസാപ്പൂ ദളങ്ങൾ വാങ്ങി നിങ്ങൾക്ക് ഇഷ്ടമുള്ള ചായപ്പൊടിയിൽ ചേർക്കാം, അല്ലെങ്കിൽ നിങ്ങൾക്ക് പുതിയ റോസാപ്പൂ ദളങ്ങൾ ചായ ഉണ്ടാക്കാൻ വെള്ളത്തിൽ തിളപ്പിക്കുകയും ചെയ്യാം. പുതിയ റോസാപ്പൂ ദളങ്ങളിൽ നിന്ന് റോസ് ടീ ഉണ്ടാക്കാൻ, നിങ്ങൾക്ക് കുറഞ്ഞത് ഒരു കപ്പ് നിറയെ കീടനാശിനി രഹിതമായ റോസാപ്പൂ ദളങ്ങൾ ആവശ്യമാണ്. ഈ ദളങ്ങൾ വെള്ളത്തിൽ നന്നായി കഴുകി വൃത്തിയാക്കുക. എന്നിട്ട് അവയെ അടി കുഴിഞ്ഞ പാത്രത്തിൽ വയ്ക്കുക, മൂന്ന് കപ്പ് വെള്ളം അതിലേക്ക് നിറയ്ക്കുക. ദളങ്ങളോടുകൂടിയ വെള്ളം ഏകദേശം അഞ്ച് മിനിറ്റ് നേരം തിളപ്പിക്കുക, എന്നിട്ട് അടുപ്പിൽ നിന്ന് വാങ്ങുക. കപ്പുകളിലേക്ക് വെള്ളം ഒഴിക്കുക, അതിൽ നിങ്ങൾക്ക് ഇഷ്ടമുള്ള മധുരം ചേർത്ത് കുടിക്കാം.ചായയെ കൂടുതൽ രുചികരമാക്കാൻ നിങ്ങൾക്ക് ഇഷ്ടമുള്ള സുഗന്ധവ്യഞ്ജനങ്ങൾ ഇതിലേക്ക് ചേർക്കാം. ഉദാഹരണത്തിന്, കറുവപ്പട്ട അല്ലെങ്കിൽ ഇഞ്ചി റോസ് ടീയിൽ റോസാപ്പൂ ദളങ്ങൾ തിളപ്പിക്കുമ്പോൾ ചേർക്കാം. ശരീരഭാരം കുറയ്ക്കാൻ ഈ ചായ ഒരു ദിവസത്തിൽ ഒന്നോ രണ്ടോ തവണ കുടിക്കാം. എന്നിരുന്നാലും, നിങ്ങൾക്ക് ഭക്ഷണ അലർജിയുണ്ടെങ്കിൽ, ഈ ഔഷധ ചായ നിങ്ങളുടെ ഭക്ഷണക്രമത്തിൽ ചേർക്കുന്നതിന് മുമ്പ് ഒരു ഡോക്ടറെ സമീപിച്ച് നിർദ്ദേശം തേടുന്നത് വളരെ നല്ലതാണ്. Content Highlight: The tea made with rose petals and its benefits