പ്രശസ്ത ആക്‌ഷൻ കൊറിയോഗ്രാഫർ പീറ്റർ ഹെയ്ൻ ആദ്യമായി സംവിധാനം ചെയ്യുന്ന ചിത്രത്തിന്റെ ടീസർ റിലീസ് ചെയ്തു.
പ്രശസ്ത ആക്‌ഷൻ കൊറിയോഗ്രാഫർ പീറ്റർ ഹെയ്ൻ ആദ്യമായി സംവിധാനം ചെയ്യുന്ന ചിത്രത്തിന്റെ ടീസർ റിലീസ് ചെയ്തു. വിയറ്റ്നാമീസ് ഭാഷയിൽ ഒരുങ്ങുന്ന ചിത്രത്തിന്റെ പേര് സാം ഹോയി എന്നാണ്. ഒടിയൻ, വിക്രം വേദ എന്നീ ചിത്രങ്ങൾക്കു പശ്ചാത്തലസംഗീതം ഒരുക്കിയ സാം സി.എസ്. ആണ് ഈ ചിത്രത്തിനും സംഗീതം ഒരുക്കുന്നത്.
വിയറ്റ്നാമീസ് താരങ്ങളായ ബിൻ, ആൻ തു എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്. ബോക്സറുടെ ജീവിതവുമായി ബന്ധപ്പെട്ടാണ് പ്രമേയം. അത്യുഗ്രൻ ആക്‌ഷൻ രംഗങ്ങൾ ചിത്രത്തിന്റെ പ്രത്യേകതയാകും. അടുത്തവർഷം ജനുവരി 15ന് ചിത്രം റിലീസ് ചെയ്യും. ഇന്ത്യ,ചൈന, വിയറ്റ്നാം എന്നിവിടങ്ങളിലാകും റിലീസ്.