വേറിട്ട ചാനൽ പരിപാടികളിലൂടെ മിനിസ്ക്രീൻ പ്രേക്ഷകരുടെ പ്രിയം പിടിച്ചുപറ്റിയ വിനോദചാനലാണ് സീ കേരളം. ഇന്ത്യയൊട്ടാകെ പ്രശസ്തമായ സരിഗമപ എന്ന സംഗീത റിയാലിറ്റി ഷോയുടെ മലയാളം പതിപ്പ് ഏറെ ഹിറ്റായി മാറിയിരുന്നു. അവതാരകൻ ജീവയായിരുന്നു ഈ റിയാലിറ്റി ഷോയുടെ അവതാരകനായി എത്തിയത്. ഗോപി സുന്ദറും സുജാതയും ഷാൻ റഹ്മാനുമടങ്ങുന്ന വലിയൊരു പ്രഗത്ഭരുടെ സംഘമായിരുന്നു വിധികർത്താക്കളായി എത്തിയിരുന്നത്. ഇപ്പോഴിതാ ഈ റിയാലിറ്റി ഷോയുടെ പുതിയ പതിപ്പ് അണിയറയിലൊരുങ്ങുകയാണ്.
‘സ രി ഗ മ പ ലിറ്റില്‍ ചാമ്പ്സ് എന്ന പേരിലാണ് പുതിയ ഷോ എത്തുന്നത്. 10 വർഷത്തിലേറെയായി ഇന്ത്യൻ ടെലിവിഷൻ രംഗത്ത് വലിയ ആരാധകരെ സൃഷ്ടിച്ച ഏറ്റവും മികച്ച ഷോകളിലൊന്നാണ് ‘സരിഗമപ ലിറ്റില്‍ ചാമ്പ്യന്‍സ് ‘. ഈ ഹിറ്റ് റിയാലിറ്റി ഷോയുടെ മലയാളം പതിപ്പ് പ്രേക്ഷകരിലേക്ക് എത്തുകയാണ്. ‘സരിഗമപ’ കേരളം ആദ്യ പതിപ്പിലൂടെ വന്‍ ജനശ്രദ്ധ പിടിച്ചുപറ്റിയതിനു പിന്നാലെയാണ് ‘സ രി ഗ മ പ ലിറ്റില്‍ ചാമ്പ്സ് അണിയറയിലൊരുങ്ങുന്നത്. ഓഡിഷന്‍ പ്രഖ്യാപിച്ചിരിക്കുകയാണ് അണിയറപ്രവർത്തകർ ഇപ്പോൾ.
വളര്‍ന്നു വരുന്ന സംഗീത പ്രതിഭകൾക്ക് ലഭിക്കുന്ന അസുലഭ അവസരമാണ് സരിഗമപ വേദി സമ്മാനിക്കുന്നത്. 5 മുതല്‍ 14 വയസ്സുവരെയുള്ള കുട്ടികള്‍ക്കാണ് ഇത്തവണ അവസരമുള്ളത്. സീ കേരളം ചാനലിൻ്റെ വെബ്സൈറ്റിൽ ഇതു സംബന്ധിച്ച വിവരങ്ങളെല്ലാം നൽകിയിട്ടുണ്ട്. പൂർണ്ണമായും വിർച്വലായാണ് ഇത്തവണ ഓഡീഷൻ നടത്തുന്നത്.
Content Highlight: The new show under the name ‘SarigamaPa Little Champs’.