പല്ലില്ലാത്ത മോണകാട്ടി, പച്ചപ്പാടത്തിനിടയില് നിഷ്കളങ്കമായ ചിരിയോടെ പാപ്പിയമ്മ ഫോട്ടോകള്ക്കായി പോസു ചെയ്യുന്നു. സെലിബ്രിറ്റി ഫോട്ടോഗ്രാഫറായ മഹാദേവന് തമ്പിയാണ് 98 കാരിയായ പാപ്പിയമ്മയെ തന്റെ ചിത്രങ്ങള്ക്ക് മോഡലായി കണ്ടെത്തിയത്.
വൈക്കത്തിനടുത്തുള്ള ഒരു ഉള്നാടന് പ്രദേശത്താണ് പാപ്പിയമ്മയുടെ വീട്. വീടെന്ന് പറയാനാവില്ല. ആസ്ബറ്റോസ് ഷീറ്റുകളും ടര്പ്പായയും കൊണ്ട് കെട്ടിമറച്ച ഒരു കുടില്. ഈ പ്രായത്തിലും വയറു നിറയ്ക്കാന് വയലില് കൊയ്യാനും വീട്ടുപണികള്ക്കുമായി പാപ്പിയമ്മ പോകാറുണ്ടെന്ന് അയല്വാസികള് പറയുന്നു.
തേവലക്കാട് എന്ന സ്ഥലത്ത് ഫോട്ടോഷൂട്ടിന് വേണ്ടി ലൊക്കേഷന് ഹണ്ടിനെത്തിയപ്പോഴാണ് പാപ്പിയമ്മയെ മഹാദേവന് തമ്പി കണ്ടെത്തിയത്. പാപ്പിയമ്മയുടെ മേക്കോവര് ഷൂട്ടൊന്നുമല്ല അപ്പോള് മനസ്സില് വന്നതെന്ന് മഹാദേവന് തമ്പി. ‘ഗ്രാമീണതയും അതിന്റെ നിഷ്കളങ്കതയും പുതിയ തലമുറയെ കാണിച്ചുകൊടുക്കാന് പാപ്പിയമ്മയെ അങ്ങനെ തന്നെ ഫ്രെയ്മിലാക്കുകയായിരുന്നു ലക്ഷ്യം. പാപ്പിയമ്മയുടെ ഒരു ദിനം, അത് ചിത്രങ്ങളിലൂടെ ഫോട്ടോ സ്റ്റോറിയായി പകര്ത്താനായിരുന്നു തങ്ങളുടെ ശ്രമം.’
Content Highlight: Pappiamma,98 age woman is the new model for celebrity photographer Mahadevan Thampi