ഒരു മിഡ്റേഞ്ച് സ്മാർട്ട്ഫോൺ വാങ്ങാൻ പ്ലാനുണ്ടോ? വിപണിയിൽ ഇന്ന് ധാരാളം ഓപ്ഷനുകളുണ്ട്. അടുത്തിടെ എച്എംഡി ഗ്ലോബലിന്റെ ഉടമസ്ഥതയിലുള്ള ഫിന്നിഷ് സ്മാർട്ട്ഫോൺ ബ്രാൻഡ് നോക്കിയയും ഒരു പുതിയ ഫോൺ അവതരിപ്പിച്ചു, NOKIA 5.4. വമ്പൻ മത്സരം നിലനിൽക്കുന്ന 10,000-15,000 രൂപയുടെ സ്മാർട്ട്ഫോൺ സെഗ്മന്റിലേക്കാണ് നോക്കിയ 5.4-ന്റെ വരവ്. ഈ മാസം 17 മുതൽ ഫ്ലിപ്കാർട്ട്, നോക്കിയ വെബ്‌സൈറ്റുകളുടെയാണ് നോക്കിയ 5.4-ന്റെ വില്പന ആരംഭിക്കുക. നിങ്ങൾക്ക് NOKIA 5.4 വാങ്ങാൻ പ്ലാനുണ്ടോ? എങ്കിൽ അതിന് മുൻപായി പുത്തൻ സ്മാർട്ട്ഫോണിപറ്റിയുള്ള വിവരങ്ങൾ ചുവടെ വായിക്കാം.
1. 4 ജിബി റാം + 64 ജിബി മെമ്മറി, 6 ജിബി റാം + 64 ജിബി മെമ്മറി എന്നിങ്ങനെ രണ്ട് പതിപ്പുകളിൽ വില്പനക്കെത്തിയിരിക്കുന്ന നോക്കിയ 5.4-ന് യഥാക്രമം 13,999 രൂപയും, 15,499 രൂപയുമാണ് വില.
2. ഡസ്ക്, പോളാർ നൈറ്റ് എന്നിങ്ങനെ 2 നിറങ്ങളിൽ നോക്കിയ 5.4 വാങ്ങാം.
- 19.5:9 ആസ്പെക്ട് റേഷ്യോയും 400 നിറ്റ് പീക്ക് ബ്രൈറ്റ്നെസ്സുമുള്ള 6.5 ഇഞ്ച് എച്ച്ഡി + (720×1,560 പിക്‌സൽ) ഡിസ്‌പ്ലേയാണ് ഫോണിന്.
- ഒക്ടാകോർ ക്വാൽകോം സ്‌നാപ്ഡ്രാഗൺ 662 SoC പ്രോസസ്സർ 4 ജിബി/6 ജിബി റാമുകളുമായി ചേർന്ന് പ്രവർത്തിക്കുന്നു. 64 ജിബി ഓൺബോർഡ് മെമ്മറി മൈക്രോ എസ്ഡി കാർഡ് വഴി 512 ജിബി വരെ ഉയർത്താം.
- 48 മെഗാപിക്സൽ പ്രൈമറി സെൻസർ, അൾട്രാ-വൈഡ് ആംഗിൾ ലെൻസുള്ള 5 മെഗാപിക്സൽ സെൻസർ, 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ എന്നിവ ഉൾപ്പെടുന്ന ക്വാഡ് റിയർ ക്യാമറ ക്ലസ്റ്റർ ആണ് നോക്കിയ 5.4-യ്ക്ക്. 16 മെഗാപിക്സൽ സെൽഫി ക്യാമറയുമുണ്ട്.
- 10W ചാർജിംഗിനെ പിന്തുണയ്‌ക്കുന്ന 4,000 എംഎഎച്ച് ബാറ്ററിയാണ് നോക്കിയ 5.4-ന്.
- വൈ-ഫൈ, ബ്ലൂടൂത്ത് 4.2, ജിപിഎസ് / എ-ജിപിഎസ്, 3.5 എംഎം ഹെഡ്‌ഫോൺ ജാക്ക്, ചാർജിംഗിനായി യുഎസ്ബി ടൈപ്പ്-സി പോർട്ട് എന്നിവയാണ് കണക്ടിവിറ്റി ഓപ്ഷനുകൾ. Content Highlight: 7 Things You Should Know Before Buying a Nokia 5.4