ഗോവയില് നടക്കുന്ന അമ്പത്തിയൊന്നാമത് രാജ്യാന്തര ചലച്ചിത്രമേളയ്ക്ക് ഇന്നലെ തുടക്കം. കേന്ദ്രമന്ത്രി പ്രകാശ് ജാവദേക്കർ മേള ഉദ്ഘാടനം ചെയ്തു. 16 മുതല് 24 വരെ ഹൈബ്രിഡ് രീതിയിലാണ് മേള സംഘടിപ്പിക്കുന്നത്.
2020 നവംബറിൽ നടക്കേണ്ടിയിരുന്ന ചലച്ചിത്രമേള കോവിഡ് സാഹചര്യം കണക്കിലെടുത്ത് ജനുവരിയിലേക്ക് മാറ്റിവയ്ക്കുകയായിരുന്നു. 2500 ഡെലിഗേറ്റുകള്ക്ക് മാത്രമേ പ്രവേശനമുള്ളൂ. അല്ലാത്തവര്ക്ക് ഓണ്ലൈനായി സിനിമ കാണാം. ആകെ 224 സിനിമകളാണ് മേളയില് പ്രദര്ശിപ്പിക്കുക. ഡാനിഷ് സംവിധായകന് തോമസ് വിന്റര്ബെര്ഗിന്റെ അനതര് റൗണ്ടാണ് ഉദ്ഘാടന ചിത്രം. മത്സരവിഭാഗത്തില് ഇത്തവണ മലയാളചിത്രങ്ങളില്ല. 23 ഫീച്ചര് സിനിമകളും 20 നോണ് ഫീച്ചര് സിനിമകളുമാണ് പനോരമ വിഭാഗത്തിലുള്ളത്.
Content Highlight: 2020 GOA International Film Festival of India