ആരോഗ്യവും ചർമ്മവും സംരക്ഷിക്കുവാനായി നിങ്ങൾക്ക് ഇഷ്ടമുള്ള എല്ലാ ഭക്ഷണങ്ങളും ഒറ്റയടിക്ക് ഉപേക്ഷിക്കാൻ ആവശ്യപ്പെടുന്നില്ല. എന്നിരുന്നാലും, നിങ്ങളുടെ ഭക്ഷണക്രമത്തിൽ ആരോഗ്യകരമായ ചില ഘടകങ്ങൾ അവതരിപ്പിക്കുവാൻ നിങ്ങൾക്ക് ശ്രമിക്കാം; ഉദാഹരണത്തിന്, ഈ coriander lemon നീര് എന്നിവ ചേർത്ത Juice!

പ്രധാന വസ്തുതകൾ

ഈ ജ്യൂസ് ദുഷിപ്പുകൾ അകറ്റുവാൻ ഉത്തമമായി കണക്കാക്കപ്പെടുന്നു

നിങ്ങൾക്ക് വീട്ടിൽ തന്നെ ശുദ്ധമായ ഈ പച്ച ജ്യൂസ് ഉണ്ടാക്കാം

നമ്മുടെ ചർമ്മം ഇപ്പോൾ മികച്ച രൂപത്തിൽ അല്ലെങ്കിൽ, അതിന് കാരണമായ നിരവധി ഘടകങ്ങളുണ്ട്. രാജ്യവ്യാപകമായി ഉണ്ടായ ലോക്ക്ഡൗൺ നമ്മുടെ ഉള്ളിലെ ആ പാചക പ്രേമിയെ ഉണർത്തുവാൻ സഹായിച്ചെങ്കിലും, ഇത് നമ്മുടെ ചർമ്മത്തിന് വളരെ നല്ല കാലമായിരുന്നില്ല എന്നതാണ് സത്യം. ചീസ് ചേർത്ത ഭക്ഷണങ്ങളും, വറുത്തതും, പൊരിച്ചതുമായ ഭക്ഷണങ്ങളും ഉൾപ്പെടെ അനാരോഗ്യകരമായ പല ഭക്ഷണങ്ങളും നമ്മൾ വീട്ടിൽ ഇരുന്ന് കഴിക്കാൻ ലോക്ക്ഡൗൺ കാരണമായിട്ടുണ്ട്. അതിന്റെ മോശം ഫലങ്ങളും നമ്മുടെ ചർമ്മത്തിൽ പ്രകടമാണ്. ഇപ്പോൾ നാം അതിനെക്കുറിച്ച് വേണ്ടത്ര ശ്രദ്ധ ചെലുത്തിയിരിക്കുകയാണ്. ഒടുവിൽ പ്രശ്നം പരിഹരിക്കാൻ എന്തെങ്കിലും ചെയ്യാനുള്ള സമയമായിരിക്കുന്നു; എന്നാൽ, നിങ്ങൾക്ക് ഇഷ്ടമുള്ള ഭക്ഷണങ്ങൾ പൂർണ്ണമായും ഒറ്റയടിക്ക് ഉപേക്ഷിക്കാൻ ഞങ്ങൾ നിങ്ങളോട് ആവശ്യപ്പെടുന്നില്ല. എന്നിരുന്നാലും, നിങ്ങളുടെ ഭക്ഷണക്രമത്തിൽ ആരോഗ്യകരമായ ചില ഘടകങ്ങൾ അവതരിപ്പിച്ചുകൊണ്ട് നിങ്ങൾക്ക് മാറ്റങ്ങൾ കൊണ്ടുവരാം; ഉദാഹരണത്തിന്, ഈ മല്ലി, നാരങ്ങ നീര് എന്നിവ ചേർത്ത ജ്യൂസ് കുടിക്കാം! മല്ലി + നാരങ്ങ, അതിശയകരമായ ഈ കൂട്ട് യുവത്വമുള്ള ചർമ്മം സമ്മാനിക്കും

ആന്റിഓക്‌സിഡന്റുകളുടെയും വീക്കം തടയുവാൻ സഹായിക്കുന്ന ആന്റി ഇൻഫ്ലമേറ്ററി ഗുണങ്ങളുടെയും ഒരു കലവറ തന്നെയാണ് ഈ ശുദ്ധമായ പച്ച ജ്യൂസ്. മല്ലി, നാരങ്ങ എന്നിവ വിറ്റാമിൻ സിയുടെ സാന്നിധ്യം കൊണ്ട് സമൃദ്ധമാണ്. ഫ്രീ റാഡിക്കലുകളുടെ പ്രവർത്തനത്തിൽ നിന്ന് ശരീരത്തെ സംരക്ഷിക്കുവാൻ ഈ ആന്റി ഓക്‌സിഡന്റുകൾ സഹായിക്കുന്നു. നമ്മുടെ ശരീരത്തിൽ സംഭവിക്കുന്ന അപകടകരമായ ചെയിൻ പ്രതികരണമാണ് ഫ്രീ റാഡിക്കൽ പ്രവർത്തനങ്ങൾ. ഇത് കോശങ്ങളുടെ അകാല വാർദ്ധക്യത്തെ നയിക്കുകയും ചർമ്മത്തെ മങ്ങിയതും ചുളിവുള്ളതാക്കുകയും ചെയ്യുന്നു.

Weight loss കുറയ്ക്കുന്നതിനും ശരീരത്തിൽ നിന്ന് ദുഷിപ്പുകൾ നീക്കം ചെയ്യാൻ സഹായിക്കുന്ന ആനുകൂല്യങ്ങളുടെയും പേരിൽ ഈ ജ്യൂസ് ശ്രദ്ധ നേടിയിട്ടുണ്ട് നേടുന്നു. മാക്രോബയോട്ടിക് ന്യൂട്രീഷ്യനിസ്റ്റും ഹെൽത്ത് കോച്ചും ആയിട്ടുള്ള ശിലാപ് അറോറ പറയുന്നതനുസരിച്ച്, “ലളിതവും വീട്ടിൽ തന്നെ സ്വയം തയ്യാറാക്കാവുന്നതുമായ ഈ പച്ച ജ്യൂസ് ഒരു സ്പോഞ്ച് പോലെ പ്രവർത്തിക്കുകയും നിങ്ങളുടെ ശരീരത്തെ ഉള്ളിൽ നിന്ന് ശുദ്ധീകരിക്കുകയും ചെയ്യുന്നു. നമുക്കെല്ലാവർക്കും അറിയാവുന്നതുപോലെ, ശുദ്ധീകരിച്ച ഒരു ശരീരം വ്യക്തമായ ചർമ്മത്തിനും കാരണമാകുന്നു. ഇന്നത്തെ സാഹചര്യങ്ങളിൽ, നമുക്ക് എല്ലാ ദിവസവും മലിനീകരണത്തിനെതിരെ പോരാടുന്നതിനാലും എല്ലാത്തരം ജങ്ക് ഭക്ഷണങ്ങൾ കഴിക്കുന്നതും കൊണ്ട്, ഇടയ്ക്കിടെ ശരീരത്തിൽ നിന്ന് ദുഷിപ്പുകളും വിഷാംശങ്ങളും ഒഴിവാക്കുന്നത് നല്ലതാണ്. മാത്രമല്ല, ഈ ഡിറ്റോക്സ് ജ്യൂസുകൾ ശരീരഭാരം കുറയ്ക്കാനും നമ്മെ സഹായിക്കുന്നു.

മല്ലി, നാരങ്ങ നീര് ജ്യൂസ് എങ്ങനെ തയ്യാറാക്കാം

ഒരു കപ്പ് ശുദ്ധമായ coriander leaves

ഒരു ടേബിൾ സ്പൂൺ നാരങ്ങ നീര്

ആവശ്യാനുസരണം വെള്ളം

തയ്യാറാക്കേണ്ട രീതി:

1. ഒരു മിക്സിയിൽ മല്ലിയിലയും നാരങ്ങാനീരും ചേർത്ത് ആവശ്യാനുസരണം വെള്ളം ചേർത്ത് നന്നായി അടിച്ചെടുത്ത് മിശ്രിതമാക്കുക.

2. നിങ്ങളുടെ ഇഷ്‌ടത്തിന് അനുസരിച്ച് വെള്ളം ആവശ്യാനുസരം ചേർത്ത് മിശ്രിതമാക്കുക. നിങ്ങൾക്ക് വേണമെങ്കിൽ, ഒരു നുള്ള് ചാട്ട് മസാലയും ഇതിലേക്ക് ചേർക്കാം.

Content Highlight: coriander-lemon juice for glowing skin