നഗരവാസികളുടെ നാവിന് നാടന് രുചിക്കൂട്ടുകളുടെ കലവറ ഒരുക്കുകയാണ് കേശവദാസപുരത്തെ ‘ദേ അളിയന്സ് ‘ തട്ടുകട. സ്വാദിഷ്ടമായ നാടന് ഭക്ഷണം തേടിപ്പോകുന്നവര്ക്ക് ഒരു പുത്തന് അനുഭവമായിരിക്കും ഇൗ തട്ടുകട. ആഹാര പ്രിയര്ക്കെല്ലാം എത്തിപ്പെടാന് പറ്റിയ സ്ഥലമാണ് ചൈതന്യ കണ്ണാശുപത്രിക്ക് എതിര്വശത്തായി പ്രവര്ത്തിക്കുന്ന അളിയന്സ് തട്ടുകട. വേറിട്ട വിഭവങ്ങള് തേടിപ്പോകുന്ന ടെക്കികളുടെ ഇഷ്ടയിടമാണ് ഇവിടം. വൈകിട്ട് 3 മുതല് രാത്രി 12 വരെ പ്രവര്ത്തിക്കുന്ന തട്ടുകടയില് വേറിട്ട ഭക്ഷണമാണ് വിളമ്ബുന്നത്. അളിയന്സിലെ സ്പെഷ്യല് വിഭവമായ നാടന് മുട്ട അള്ളിപ്പിടിച്ചതും സ്പെഷ്യല് മുട്ട പൊട്ടിത്തെറിച്ചതും ഏറെ പ്രചാരം നേടിയതാണ്. ഭൂരിഭാഗം പേരും ആവശ്യപ്പെടുന്നതും ഈ വിഭവം തന്നെയാണ്. അവധി ദിനങ്ങളില് കുടുംബവുമായി ഔട്ടിംഗ് കഴിഞ്ഞു വീട്ടിലേക്കുള്ള മടക്കയാത്രയില് അളിയന്സില് നിന്ന് തനി നാടന് ഭക്ഷണം ന്യായവിലയ്ക്ക് തൃപ്തിയോടെ കഴിച്ചുമടങ്ങുന്ന സ്ഥിരം കസ്റ്റമേഴ്സും ഉണ്ട്. ഇത്തരക്കാരെ ആകര്ഷിക്കുന്നത്തിനായി ശനിയാഴ്ചകളില് കുട്ടികള്ക്ക് തനിയെ ദോശ ചുട്ടു തിന്നുന്നതിനുള്ള അവസരവും അളിയന്സില് ഒരുക്കിയിട്ടുണ്ട്. വൃത്തിയോടെ നല്ല രുചികരമായ ഭക്ഷണം കഴിക്കണമെങ്കില് അളിയന്സിലേക്ക് വരൂ.. എന്നാണ് സംസ്ഥാനത്തെ ആദ്യ പേ. ടി .എം തട്ടുകടയുടെ ഉടമയായ അഞ്ചല് സ്വദേശി വിനു പറയുന്നത്.
നാവില് കപ്പലോട്ടിക്കുന്ന വിഭവങ്ങള്
മീന് പൊള്ളിച്ചത്
വീശ് പൊറോട്ട
മുട്ട പൊറോട്ട
ഷാപ്പ് കപ്പ ചതച്ചത്
ചട്ടിമീന്കറി
തട്ടില് ദോശ
വെള്ളയപ്പം
നാടന് തേങ്ങാപ്പീര ഇടിയപ്പം
ചിക്കന് തോരന്
പിരട്ടു ചിക്കന്
ബീഫ് ഫ്രൈ
ചപ്പാത്തി ബീഫ് റോള്
മുട്ട ഞെരിച്ചത്