ആരോഗ്യമുള്ള ഹൃദയം നിലനിര്‍ത്താന്‍ ആരോഗ്യകരമായ ഭക്ഷണം പ്രധാനമാണ്. അമിതമായി ഭക്ഷണം കഴിക്കുന്നത് ഹൃദ്രോഗത്തിനുള്ള സാധ്യത വര്‍ദ്ധിപ്പിക്കുന്നുവെന്നു മാത്രമല്ല, ഇത് അമിതവണ്ണം, ഹൃദയാഘാതം, ആരോഗ്യ സംബന്ധമായ മറ്റ് പ്രശ്‌നങ്ങള്‍ എന്നിവയിലേക്കും നയിച്ചേക്കാം. ഇന്നത്തെ യുവാക്കള്‍ ഭൂരിഭാഗവും ഉയര്‍ന്ന കൊളസ്‌ട്രോള്‍, പ്രമേഹം, രക്താതിമര്‍ദ്ദം തുടങ്ങിയ ആരോഗ്യപ്രശ്‌നങ്ങളെ അഭിമുഖീകരിക്കുന്നു.
കഴിക്കുന്ന ഭക്ഷണവും ഉദാസീനമായ ജീവിതശൈലിയുമാണ് ഇതിനു കാരണം. ജങ്ക് ഫുഡ് കഴിക്കുന്നത് നിയന്ത്രിക്കുന്നതും പോഷകവും വിറ്റാമിന്‍ അടങ്ങിയ ഭക്ഷണം കഴിക്കുന്നതും ജീവിതത്തിലുടനീളം ഒരു യുവ ഹൃദയം നേടാന്‍ നിങ്ങളെ സഹായിക്കും. ആരോഗ്യകരമായ ജീവിതത്തിനായി നാം കഴിക്കേണ്ട ഭക്ഷണങ്ങളെക്കുറിച്ച് നമുക്കെല്ലാവര്‍ക്കും വ്യത്യസ്ത കാഴ്ചപ്പാടുണ്ട്. ശരിയായ അളവിലുള്ള ഭക്ഷണം ശരിയായ അളവില്‍ കഴിക്കുന്നതാണ് ശ്രദ്ധിക്കേണ്ട ഏറ്റവും പ്രധാനപ്പെട്ട കാര്യം. നിങ്ങളുടെ ഹൃദയത്തെ ആരോഗ്യകരവുമായി നിലനിര്‍ത്തുന്നതിനുള്ള കുറച്ച് ഡയറ്റ് ടിപ്പുകള്‍ നോക്കാം.
ഭക്ഷണത്തിന്റെ അളവ്
പതിവായി അമിതമായി ഭക്ഷണം കഴിക്കുന്നത് ദീര്‍ഘകാലാടിസ്ഥാനത്തില്‍ അമിതവണ്ണത്തിന് കാരണമാകും. അതിനാല്‍, ചെറിയ ഭാഗങ്ങളില്‍ കഴിക്കുന്നത് പ്രധാനമാണ്. അമിതമായി ഭക്ഷണം കഴിക്കുന്നത് ഒഴിവാക്കാനുള്ള ഏറ്റവും നല്ല മാര്‍ഗം ചെറിയ പ്ലേറ്റുകള്‍ ഉപയോഗിക്കുന്നതും ഭക്ഷണം കഴിക്കുമ്പോള്‍ അമിതമാകാതിരിക്കാന്‍ ശ്രദ്ധിക്കുന്നതുമാണ്. നിങ്ങള്‍ എന്ത് കഴിക്കുന്നു എന്നത് നിങ്ങള്‍ എത്ര കഴിക്കുന്നു എന്നതിനേക്കാള്‍ പ്രധാനമാണ്.
കൊഴുപ്പ് വേണ്ട
പൂരിതവും പോളിഅണ്‍സാച്ചുറേറ്റഡ്, അപൂരിത കൊഴുപ്പുകളും ഉള്‍പ്പെടെയുള്ള കൊഴുപ്പ് നമ്മുടെ ഭക്ഷണത്തില്‍ ആവശ്യമാണ്. നിങ്ങള്‍ക്ക് ആവശ്യമില്ലാത്ത ഒരു കൊഴുപ്പ് ട്രാന്‍സ് ഫാറ്റ് ആണ്. ഇത് നിങ്ങളില്‍ ഹൃദ്രോഗത്തിനോ അല്ലെങ്കില്‍ ഹൃദയാഘാതത്തിനോ ഉള്ള സാധ്യത വര്‍ദ്ധിപ്പിക്കും. നിങ്ങളുടെ മോശം കൊളസ്‌ട്രോള്‍ (എല്‍.ഡി.എല്‍) ഉയര്‍ത്തി നല്ല കൊളസ്‌ട്രോള്‍ (എച്ച്.ഡി.എല്‍) കുറയ്ക്കുന്നതിലൂടെ ട്രാന്‍സ് ഫാറ്റ് നിങ്ങളുടെ ധമനികളെ തടസ്സപ്പെടുത്തുന്നു. ഭക്ഷണത്തില്‍ നിന്ന് അവയെ കുറയ്ക്കുന്നതിലൂടെ നിങ്ങളുടെ ശരീരത്തിലുടനീളം രക്തയോട്ടം മെച്ചപ്പെടുത്തുന്നു.
വിശക്കുമ്പോള്‍ ബിസ്‌കറ്റ് അല്ലെങ്കില്‍ ചിപ്‌സ് കഴിക്കുന്നത് നിങ്ങളുടെ വിശപ്പിനുള്ള ഉടനടി പരിഹാരമാണ്. എന്നാല്‍ ഈ ഭക്ഷ്യവസ്തുക്കളിലൂടെ ഉപയോഗിക്കുന്ന കലോറിയുടെ അളവ് സംബന്ധിച്ച് അറിവു വേണം. സംസ്‌കരിച്ച ഭക്ഷണങ്ങളില്‍ ട്രാന്‍സ് കൊഴുപ്പ് കൂടുതലാണ്. ഇത് പതിവായി കഴിക്കുന്നത് രക്തത്തിലെ കൊളസ്‌ട്രോളിന്റെ അളവ് വര്‍ദ്ധിപ്പിക്കും. കൊറോണറി ആര്‍ട്ടറി രോഗത്തിനുള്ള സാധ്യതയും ഇത് വര്‍ദ്ധിപ്പിക്കുന്നു. ഉയര്‍ന്ന രക്ത കൊളസ്‌ട്രോള്‍ നില ധമനികളില്‍ രക്തപ്രവാഹത്തിന് ഇടയാക്കും. ഇത് ഹൃദയാഘാതത്തിനുള്ള സാധ്യത വര്‍ദ്ധിപ്പിക്കും.
കൂടുതല്‍ പ്രോട്ടീന്‍ മാംസം, കോഴി, മത്സ്യം, പയര്‍വര്‍ഗ്ഗങ്ങള്‍, കൊഴുപ്പ് കുറഞ്ഞ പാലുല്‍പ്പന്നങ്ങള്‍, മുട്ട എന്നിവ പ്രോട്ടീന്റെ മികച്ച ഉറവിടങ്ങളാണ്. അമിത കൊഴുപ്പ് കഴിക്കുന്നത് ഒഴിവാക്കാന്‍ ശരിയായ തരത്തിലുള്ള മാംസം തിരഞ്ഞെടുക്കേണ്ടത് അത്യാവശ്യമാണ്. ഉയര്‍ന്ന കലോറിയുള്ള ഇറച്ചിക്ക് നല്ലൊരു ബദലാണ് മത്സ്യം. ചിലതരം മത്സ്യങ്ങളില്‍ ഒമേഗ -3 ഫാറ്റി ആസിഡുകള്‍ അടങ്ങിയിട്ടുണ്ട്. ഇത് ലിപിഡ് അളവ് കുറയ്ക്കും. ബീന്‍സ്, കടല, പയറ് എന്നിവയും പ്രോട്ടീന്റെ നല്ല ഉറവിടങ്ങളാണ്. കൂടാതെ കൊഴുപ്പും കൊളസ്‌ട്രോളും കുറവാണ്. മാംസത്തിനുള്ള ഏറ്റവും നല്ല ബദലാണ് ഇവ.