സത്യസായി ബാബയുടെ ജീവചരിത്ര സിനിമ ഒരുങ്ങുന്നു. ചിത്രത്തിൽ സത്യസായി ബാബയെ അവതരിപ്പിക്കുന്നത് ഗായകനും പത്മശ്രീ അവാർഡ് ജേതാവുമായ അനൂപ് ജലോട്ടയാണ്. ചിത്രത്തിൽ നിന്നുള്ള സ്റ്റിൽസ് ആണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്. വിക്കി റണാവത്താണ് ചിത്രത്തിന്റെ സംവിധായകൻ.
മുൻപും ഏതാനും ചിത്രങ്ങളിൽ ജലോട്ട അഭിനയിച്ചിട്ടുണ്ട്. ഏറെ നാളുകൾക്ക് ശേഷം അഭിനയത്തിലേക്ക് മടങ്ങിയെത്താൻ കാരണമായത് വിക്കി റണാവത്ത് ചിത്രത്തിൽ സത്യസായി ബാബയുടെ വേഷം വാഗ്ദാനം ചെയ്തതാണെന്ന് അനൂപ് ജലോട്ട പറയുന്നു.
നേരത്തെ ജനപ്രിയനായകൻ ദിലീപിന് വേണ്ടി പറഞ്ഞു വെച്ചിരുന്ന റോളായിരുന്നു ഇത്
ജീവിതത്തിലും ഒരു സായ് ഭക്തനായിരുന്നു അനൂപ് ജലോട്ട എന്നാണ് സിനിമയുമായി ബന്ധപ്പെട്ട വൃത്തങ്ങൾ പറയുന്നത്. സായി ബാബയുമായി അടുത്ത ബന്ധം പുലർത്തിയിരുന്ന അനൂപിന് ബാബയുടെ പെരുമാറ്റരീതികളും രീതിയുമെല്ലാം സൂക്ഷ്മമായി അവതരിപ്പിക്കാൻ കഴിയുന്നുണ്ടെന്നും അണിയറപ്രവർത്തകർ പറയുന്നു.
Content Highlight: Satyasai Baba Biography Movie