മുഖസൗന്ദര്യത്തിൽ വളരെയധികം പ്രാധാന്യം നൽകുന്നവരാണ് നമ്മളിൽ ഭൂരിഭാഗം പേരും. അതിന് സഹായകരമാകുന്ന ഒരുപാട് സൗന്ദര്യ വർദ്ധക വസ്തുക്കൾ ഇന്ന് വിപണിയിൽ ലഭ്യമാണ്. എന്നാൽ അവ മിക്കതും കൃത്രിമവും പാർശ്വഫലങ്ങൾ ഉണ്ടാക്കുന്നവയുമാണ്. ചർമ്മ സംരക്ഷണത്തിന് പ്രകൃതിദത്ത മാർഗ്ഗങ്ങൾ സുലഭമാണ്. പലപ്പോഴും നമുക്കതിനൊന്നും സമയം കിട്ടാറില്ല. അതുകൊണ്ടുതന്നെ കൃത്രിമ സൗന്ദര്യ വർദ്ധക വസ്തുക്കൾ ഉപയോഗിക്കിക്കേണ്ടി വരുന്നു.

ചർമ്മം തിളങ്ങാൻ വ്യായാമങ്ങൾ

വീട്ടിൽ തന്നെ ഉണ്ടാക്കാവുന്ന ഫേസ് പായ്ക്കുകൾ, ഹെയർ മാസ്ക് എന്നിങ്ങനെ മാർഗ്ഗങ്ങൾ നിരവധിയുണ്ട്. എന്നിരുന്നാലും മുഖം മിനുക്കാൻ എളുപ്പത്തിൽ ശീലിക്കാവുന്നതുമായ വ്യായാമങ്ങൾ നമുക്ക് ഈ ലേഖനത്തിലൂടെ പരിചയപ്പെടാം.

പ്രായം കൂടുന്തോറും ചർമ്മത്തിലെ കൊളാജൻ നഷ്ടമാവുകയും മുഖചർമ്മം ഇടിഞ്ഞു തുങ്ങാൻ തുടങ്ങുകയും ചെയ്യുന്നു.കൂടാതെ മുഖത്ത് പാടുകൾ, ചുളിവുകൾ എന്നിവ പ്രത്യക്ഷപ്പെടുകയും ചെയ്യറുണ്ട്.

മുഖത്തെ പേശികളെ ബലപ്പെടുത്തുന്ന വ്യായാമങ്ങൾ ശീലിക്കുന്നതിലൂടെ ചർമ്മം കൂടുതൽ ഇറക്കിയതും യുവത്വമുള്ളതുമായിത്തീരുന്നു.മുഖത്തെ തിളക്കം കൂടാനും ഈ വ്യായാമമുറകൾ സഹായിക്കുന്നു.

ചുണ്ടുകൾ അടച്ച് ചെറുതായി മന്ദഹസിക്കാം

വളരെ എളുപ്പമേറിയ ഒരു വ്യായാമമാണിത്.ചുണ്ടുകൾ പൂട്ടി കവിളുകൾ ഉള്ളിലേക്ക് വലിക്കുക. ചുണ്ടുകൾ അടച്ചുവച്ചു തന്നെ പറ്റാവുന്നത്രയും പുഞ്ചിരിക്കുക.10 സെക്കൻഡ് ഹോൾഡ് ചെയ്തു വീണ്ടും ചെയ്യുക. ദിവസത്തിൽ അഞ്ചു പ്രാവശ്യം ചെയ്യൂ.

ചുംബന വ്യായാമം

താടിയിലെയും കവിലുകളിലെയും പേശികളെ ബലപ്പെടുത്തുന്ന ഒരു വ്യായാമമാണിത്. ചുണ്ടുകൾ പുറത്തേക്ക് ഉന്തി ഒരാളെ ചുംബിക്കുന്നതുപോലെ ചെയ്യുക. ചുണ്ടുകൾ അടച്ചു പിടിച്ചു തന്നെ പുഞ്ചിരിക്കുക. കുറച്ചു സമയം ഹോൾഡ് ചെയ്യുക. ഒരു പത്തു പ്രാവശ്യം ആവർത്തിക്കുക.

ആശ്ചര്യം അഭിനയിക്കുക

നിങ്ങൾ വിസിൽ അടിക്കുന്നത് പോലെ അഭിനയിച്ചു കൊണ്ട് പുഞ്ചിരിക്കാൻ ശ്രമിക്കാം. കവിളുകൾ ഉള്ളിലേക്കും പുറത്തേക്കും വലിക്കുക. അഞ്ചു പ്രാവശ്യം ദിവസേന ചെയ്യുക. കവിളുകൾ ചീർപ്പിയ്ക്കുക

വായയിൽ കൂടി നന്നായി ശ്വാസം എടുത്തുകൊണ്ട് കവിളുകളിൽ നിറയ്ക്കാം.കവിളുകൾ പുറത്തേക്കു തള്ളി കുറച്ചു സമയം ഹോൾഡ് ചെയ്യുക. ഉള്ളിലുള്ള വായു കൊണ്ട് കവിളുകളെ പുറത്തേക്കും അകത്തേക്കും വലിക്കുക.ഒട്ടിയ ചർമ്മം മാറാനും പേശികളെ ശക്തിപ്പെടുത്താനും ഈ വ്യായാമം സഹായകരമാണ്.പത്തു പ്രാവശ്യം ചെയ്യുക.

പുരികങ്ങൾ ഉയർത്തുക

നെറ്റിയിലെ പേശികളെ ശക്തിപ്പെടുത്താൻ ഈ വ്യയാമം സഹായിക്കുന്നു.കൂടാതെ ചുളിവുകൾ,പാടുകൾ എന്നിവ മാറ്റാനും സഹായിക്കും. പുരികത്തിനു മുകളിൽ അര ഇഞ്ച് മുകളിലായി ചൂണ്ടു വിരൽ കൊണ്ട് അമർത്തി പിടിച്ചു കൊണ്ട് മുകളിലേയ്ക്ക് ഉയർത്തുക.അതേ സമയം മറ്റു വിരലുകൾ കൊണ്ട് താഴേക്കും അമർത്തുക.പത്തു പ്രാവശ്യം ദിവസേന ചെയ്യുക.

കളിയാക്കുന്ന പോലെ അഭിനയിക്കുക

ചർമ്മം തിളക്കമുള്ളതും യുവത്വമാർന്നതും ആക്കാൻ സഹായിക്കുന്ന മറ്റൊരു വ്യായാമമാണിത്.
വായ അടച്ചു പിടിച്ചു കണ്ണുകൾ വിടർത്തിക്കൊണ്ട് കവിളുകൾ ഉള്ളിലേക്ക് വലിക്കുക. കുറച്ചു സമയം പൊസിഷൻ ഹോൾഡ് ചെയ്യുക. കണ്ണുകളിൽ വെള്ളം വരാൻ തുടങ്ങിയാൽ നിർത്താം.

Content Highlight:  Exercises to get glowing skin