സന്ദർശകർക്കായി നിരവധി സമ്മാന പദ്ധതികളും ഷോപ്പിങ് ഫെസ്റ്റിവലിൻറെ ഭാഗമായി ഒരുക്കിയിട്ടുണ്ട്. ഡിഎസ്എഫ് ഗോൾഡ് റാഫിളിൽ പങ്കെടുക്കുന്നവരിൽ നിന്ന് തെരഞ്ഞെടുക്കുന്ന ഭാഗ്യശാലിക്ക് 2.5 കിലോഗ്രാം സ്വർണമാണ് സമ്മാനമായി ലഭിക്കുക. 750 ദിർഹത്തിൻറെ കൂപ്പണാണ് ഓൺലൈനിൽ എടുക്കേണ്ടത്. സ്വർണാഭരണ ഔട്ട്ലെറ്റുകളിലും കൂപ്പണുകൾ ലഭ്യമാണ്. ഇനോക്, എപ്കോ സ്റ്റേഷനുകൾ തുടങ്ങിയവയിൽ നിന്നൊക്കെ സാധാനങ്ങൾ വാങ്ങുന്ന ഭാഗ്യശാലികൾക്കും നറുക്കെടുപ്പിലൂടെ സമ്മാനങ്ങൾ ലഭ്യമാണ്.
രജത ജൂബിലി ആഘോഷങ്ങളുടെ ഭാഗമായി കുട്ടികൾക്കും മുതിർന്നവർക്കുമായി വിവിധ വിനോദ പരിപാടികൾ സജ്ജീകരിച്ചിട്ടുണ്ട്. 11 സോണുകളായാണ് പരിപാടികൾ. 29.99 ദിർഹമാണ് ടിക്കറ്റ് നിരക്ക്. തുടക്കത്തിൽ അഞ്ച് ഷോപ്പിങ് മാളുകളായിരുന്നു ദുബായി ഷോപ്പിങ് ഫെസ്റ്റിവലിൽ സഹകരിച്ചിരുന്നതെങ്കിൽ ഇന്ന ് 40-ഓളം മാളുകൾ ഷോപ്പിങ് ഫെസ്റ്റിവലിൽ പങ്കാളികളാണ്.
ഉത്പന്നങ്ങൾക്ക് 75 ശതമാനം വരെ ഡിസ്കൗണ്ടാണ് കഴിഞ്ഞ വർഷം ഫെസ്റ്റിവലിൽ വിവിധ വ്യാപാര സ്ഥാപനങ്ങൾ ഓഫർ ചെയ്തതത്. 4000 ൽ അധികം ഔട്ട്ലെറ്റുകളിലായി 1000 ത്തോളം ബ്രാൻഡുകൾക്ക് ഓഫറുകൾ ലഭ്യമായിരുന്നു. വിൽപ്പനയുടെ ഭാഗമായി ഫ്രൈഡേ സർപ്രൈസ് പോലുള്ള വിവിധ പരിപാടികളുമായി റീട്ടെയ്ൽ സ്ഥാപനങ്ങളും മുന്നിട്ടിറങ്ങും എന്നതാണ് മറ്റൊരു ആകർഷണം.