ജനുവരി മുപ്പതിനായിരുന്നു നടി ഭാമയും ഭര്ത്താവ് അരുണും തങ്ങളുടെ ഒന്നാം വിവാഹ വാര്‍ഷികം ആഘോഷിക്കുന്നത്. ലോക്ഡൗണിന് തൊട്ട് മുന്‍പായിരുന്നു ഇരുവരുടെയും വിവാഹം. വലിയ ആഘോഷമാക്കി നടത്തിയ വിവാഹത്തിന് പിന്നാലെ നല്ലൊരു കുടുംബിനിയായി കഴിയുകയാണ് ഭാമ. വിവാഹശേഷം കൂടുതല്‍ വിവരങ്ങളൊന്നും നടി പങ്കുവെക്കാറില്ല.
എന്നാല്‍ വാര്‍ഷികത്തോട് അനുബന്ധിച്ച് പുറത്ത് വന്ന ചിത്രങ്ങള്‍ വൈറലായതോടെ മറ്റൊരു കാര്യം കൂടി ആരാധകര്‍ കണ്ടെത്തിയിരിക്കുകയാണ്. ഭാമ ഗര്‍ഭിണിയാണെന്നും വൈകാതെ കുഞ്ഞതിഥി എത്തുമെന്നുള്ള വാര്‍ത്തകളാണ് സോഷ്യല് മീഡിയ പേജുകളില്‍ തരംഗമാവുന്നത്.
താരനിബിഡമായി നടത്തിയ വിവാഹത്തിന്റെ ഒന്നാം വാര്‍ഷികം ആഘോഷിച്ചിരിക്കുകയാണ് ഭാമയും ഭര്ത്താവ് അരുണും. കൊറോണ കാരണം ലളിതമായ ചടങ്ങായിരുന്നു. രണ്ട് പേരും പരസ്പരം ചേര്‍ത്ത് പിടിച്ച് നില്‍ക്കുന്നതാണ് ജീവിതത്തിലെ ഏറ്റവും വലിയ കാര്യം. വിവാഹ വാര്‍ഷിക ആശംസകള്‍ എന്ന് പറഞ്ഞാണ് പ്രിയതമനോട് ചേര്‍ന്ന് നില്‍ക്കുന്ന ചിത്രവുമായി ഭാമ എത്തിയത്. നടിയുടെ സുഹൃത്തുക്കളും സഹപ്രവര്‍ത്തകരുമെല്ലാം ഇരുവരുടെയും സന്തോഷത്തില്‍ പങ്കു ചേര്‍ന്നിരുന്നു.
Content Highlight: After seeing the new picture with her husband Arun, people on social media is asking questions about her pregnancy