വാനമ്പാടി എന്ന സീരിയലിൽ കൂടി പ്രേക്ഷകർക്ക് ഏറെ പരിചിതമായ താരമാണ് ഉമാ നായർ, വാനമ്പാടിയിലെ നിമ്മി എന്ന് പറഞ്ഞാൽ ആണ് പ്രേക്ഷകര്ക്ക് കുറച്ച് കൂടി മനസ്സിലാകുന്നത്, ആ ഒരൊറ്റ കഥാപാത്രം കൊണ്ട് ഉമ പ്രേക്ഷകരുടെ മനസ്സ് കീഴടക്കി. വളരെ പോസറ്റീവ് ആയ ഒരു കഥാപാത്രത്തെ ആണ് ഉമ സീരിയലിൽ അവതരിപ്പുന്നത്. സീ കേരളത്തിലെ പൂക്കാലം വരവായി എന്ന സീരിയലിലും ഉമാ അഭിനയിക്കുന്നുണ്ട്. അതിൽ വില്ലത്തി വേഷത്തിൽ ആണ് നടി എത്തുന്നത്. മികച്ച സ്വീകാര്യതയും പിന്തുണയുമാണ് ഈ താരത്തിന് ലഭിച്ചുകൊണ്ടിരിക്കുന്നത്. ലോക് ഡൗണ് പ്രഖ്യാപിച്ചതോടെ സീരിയല് ഷൂട്ടിംഗും നിര്ത്തിവെച്ചിരുന്നു. ഇതിന് പിന്നാലെയായാണ് സീരിയല് സംപ്രേഷണവും അവസാനിച്ചത്.
ഇടവേളക്ക് ശേഷം വീണ്ടും സീരിയൽ തുടങ്ങിയിരിക്കുകയാണ്. ഇപ്പോൾ ലോക്ക് ഡൗൺ സമയത്ത് തനിക്ക് ഉണ്ടായ പ്രശ്നങ്ങൾ വ്യക്തമാക്കുകയാണ് ഉമ. മാനസികമായി ആ സമയത്ത് കടുത്ത സമ്മര്ദ്ദങ്ങളിലൂടെയായിരുന്നു കടന്നുപോയതെന്ന് താരം പറയുന്നു.
ഷൂട്ടിംഗ് ക്യാന്സലായതോടെ സങ്കടത്തിലായിരുന്നു. അടുത്തിടെയാണ് തുടങ്ങിയത്. കുടുംബത്തിലെ വരുമാനമുള്ള ഒരേയൊരാള് എന്ന നിലയില് ഈ സമയത്തെ അതിജീവിക്കാന് ബുദ്ധിമുട്ടിയിരുന്നു. ഷൂട്ടിംഗ് വീണ്ടും ആരംഭിച്ചതില് സന്തോഷമുണ്ട്. ഇപ്പോള് പ്രശ്നമൊന്നുമില്ലെന്നും താരം പറയുന്നു. ഇത് തന്റെ മാത്രം പ്രശ്നം അല്ല സീരിയൽ രംഗത്ത് ഉള്ള ഒട്ടുമിക്ക ആളുകളുടെയും പ്രശനമാണ്, എല്ലാവരും വളരെ ബുദ്ധിമുട്ടിൽ ആണ് കഴിയുന്നത്. പലരും തങ്ങളുടെ യഥാര്ത്ഥ അവസ്ഥയെക്കുറിച്ച് തുറന്നുപറയാറുമില്ല.
കിട്ടുന്ന വരുമാനം കൊണ്ട് ജീവിതത്തിന്റെ രണ്ടറ്റം കൂട്ടിമുട്ടിക്കാനായി കഷ്ടപ്പെടുന്ന എത്രയോ പേരുണ്ട്. സ്കീനില് സമ്പന്നരാണെങ്കിലും പലരും യഥാര്ത്ഥ ജീവിതത്തില് അങ്ങനെയല്ലെന്നും ഉമ നായര് പറയുന്നു. സഹനടിയെന്ന നിലയില് ഈ മേഖലയില് പിടിച്ച് നില്ക്കാന് വലിയ പാടാണ്. ആഴ്ചയില് നാലോ അഞ്ചോ ദിവസമേ ഷൂട്ടിംഗുണ്ടാവാറുള്ളൂ. മേക്കപ്പും സാരിയും ചെരിപ്പുമൊക്കെയായി നല്ല ചെലവാണ്. പ്രതിസന്ധി ഘട്ടത്തിലൂടെയാണ് കടന്നുപോവുന്നത് ജോലിയില്ലാതെ നില്ക്കാനും ബുദ്ധിമുട്ടാണ്. അതേക്കുറിച്ച് വലിയ ടെന്ഷനായിരുന്നു അനുഭവിച്ചത്.