കൊവിഡ് 19 ലോകമെമ്പാടുമുള്ള ആൾക്കാരുടെ ജോലിയുടെ രീതികൾ തന്നെ മാറ്റിമറിച്ചിട്ടുണ്ട്. ചിലർക്ക് ബുദ്ധിമുട്ടുകളുണ്ടാെയെങ്കിലും മറ്റ് ചിലർക്ക് ഓഫീസ് ജോലി വളരെ സൗകര്യപ്രദമാക്കി. വീടുകളിലിരുന്ന് ജോലി ചെയ്യുന്ന രീതി പുതിയ കാര്യമായി മാറി. ഇത് കണക്കിലെടുത്ത് കരീബിയൻ അരൂബയിലെ ബോർഡ്‌വാക്ക് ബോട്ടിക് ഹോട്ടൽ യാത്രക്കാരെ അവരുടെ മനോഹരമായ ബീച്ച് സൈഡ് പ്രോപ്പർട്ടിയിൽ നിന്ന് ജോലി ചെയ്യാൻ ക്ഷണിക്കുന്നത്.
ഹോട്ടൽ ആവശ്യമായ എല്ലാ സാങ്കേതികവിദ്യകളും നൽകുന്നതിനാൽ ആളുകൾക്ക് ജോലി ചെയ്യുമ്പോൾ ഒരു പ്രശ്‌നവും നേരിടേണ്ടതില്ല. ഹോട്ടലിൽ പുതിയ വർക്ക് സ്റ്റേഷനുകൾ സ്ഥാപിച്ചിട്ടുണ്ട്. കടൽ വിസ്മയകരമായ കാഴ്ചകൾ പ്രദാനം ചെയ്യുന്നു. കുടിലുകളുടെ രൂപത്തിലാണ് ഇവിടെ കോട്ടേജുകൾ നിർമ്മിച്ചിരിക്കുന്നത്. ഈന്തപ്പനകൾക്കടിയിൽ സ്വകാര്യ പൂൾസൈഡ് ഡെസ്കുകളും ഹോട്ടൽ വാഗ്ദാനം ചെയ്യുന്നു. അവിശ്വസനീയമെന്ന് തോന്നുന്ന രീതിയിലുള്ള സൗകര്യങ്ങളാണ്.
ആദ്യം വരുന്നവർക്ക് ആദ്യം എന്ന രീതിയിൽ അതിഥികൾക്ക് സൗകര്യങ്ങൾ ലഭ്യമാക്കും. രണ്ട് വർക്ക് സ്റ്റേഷനുകളിലും വൈ-ഫൈയും ഒരു സൂപ്പർ കോംഫി കസേരയും ഉണ്ടായിരിക്കും. അതിഥികൾ സാധാരണയായി ബോർഡ്‌വാക്കിൽ വരുന്നത് ഇവിടത്തെ ശാന്തത ആസ്വദിക്കാനാണെന്ന് ഹോട്ടലിന്റെ സഹ ഉടമ കിംബർലി റൂയിജാക്കേഴ്സ് പറഞ്ഞു. ഒരു സ്വകാര്യ നടുമുറ്റം, ഒരു മുഴുവൻ അടുക്കള, ഒരു സ്വകാര്യ പ്ലംഗ് പൂൾ, ഔട്ട്‌ഡോർ ഷവർ എന്നിവപോലുള്ള വിശാലമായ സൗകര്യങ്ങൾ ഒരുക്കിയിട്ടുണ്ട്.
ആളുകൾ അവധിക്കാലം ആഘോഷിക്കാൻ ആരോഗ്യകരവും സുരക്ഷിതവുമായ അന്തരീക്ഷം തേടുമ്പോൾ ഈ പുതിയ സൗകര്യം അവരെ സന്തോഷിപ്പിക്കും. വർക്ക് ഫ്രം ഹോം ചെയ്യുന്നവർക്ക് ഔട്ട് ഡോർ വർക്ക് സ്റ്റേഷനുകൾ പുതിയ യാഥാർത്ഥ്യമായി മാറിയിരിക്കുകയാണ്. ആൾക്കാർ ആഗ്രഹിക്കുന്ന സൗകര്യങ്ങൾ എല്ലാം നൽകാൻ ഇത്തരം റിസോർട്ടുകൾക്ക് സാധിക്കുന്നു.
Content Highlight: Aruba has set up a ‘work from beach’ system in all facilities