കഴിഞ്ഞ ദിവസം, അതായത് ജൂൺ 12 നു ആണ് ജഗദീഷ് തന്റെ 65 ആം ജന്മദിനം ആഘോഷിച്ചത്. വർഷങ്ങളായി മലയാളി സിനിമ പ്രേമികളെ പൊട്ടിക്കരയിപ്പിച്ചും കുടുകുടാ ചിരിപ്പിച്ചും താരം മുന്നേറുകയാണ്. 90 കളിലെ മലയാളസിനിമയിലെ ആണിക്കല്ലുകളിലൊരാളായിരുന്നു താരം.
നായകനായും ഹാസ്യനടനായും സഹനടനായുമൊക്കെ തിളങ്ങിയ ജഗദീഷ് 90 കളിലെ മലയാളസിനിമയിലെ ആണിക്കല്ലുകളിലൊരാളായിരുന്നു. ജഗദീഷ്, മുകേഷ്, സിദ്ദീഖ് സിനിമകളും അവയിലെ സ്വാഭാവികകോമഡി രംഗങ്ങളുമല്ലാം ഇന്നും മലയാളി മനസില് നിറഞ്ഞു നില്പുണ്ട്. സൂപ്പര് താരങ്ങള്ക്കൊപ്പം പതിവായി സഹനടനായി ജഗദീഷ് പ്രത്യക്ഷപ്പെടണം എന്നത് നിര്മാതാക്കളുടെയും സംവിധായകരുടെയും മുന്നിലെ പ്രധാന വാണിജ്യചേരുവയായി നിന്ന കാലഘട്ടം കൂടിയായിരുന്നു അത്.
നായകനായും ഹിറ്റുകളടക്കം സൃഷ്ടിച്ച നിരവധി സിനിമകള് അദ്ദേഹത്തിന്റെ കരിയറിലുണ്ട്. കോമഡിയും സ്വഭാവിക കഥാപാത്രങ്ങളും ഒരുപോലെ വഴങ്ങുമെന്ന് തെളിയിച്ച താരങ്ങളിലൊരാള് കൂടിയാണ് അദ്ദേഹം. കോളേജ് അധ്യാപകന് ആയിരിക്കെയാണ് ജഗദീഷ് സിനിമയിലെത്തുന്നത്. ചെറിയ വേഷങ്ങളില് തുടങ്ങി, ഒരു കാലഘട്ടത്തില് മലയാളത്തിെലെ എന്റര്ടെയ്നര് ചിത്രങ്ങളിലെ ഒഴിച്ചുകൂടാനാകാത്ത സാന്നിധ്യമായി മാറി.
ജഗദീഷ് എന്ന അഭിനേതാവിനെ എല്ലാവര്ക്കും സുപരിചിതനാണെങ്കിലും മലയാളത്തിലെ ഒരു എഴുത്തുകാരന് കൂടിയാണ് അദ്ദേഹം എന്നത് പലരും അധികമൊന്നും ചര്ച്ച ചെയ്യാത്ത കാര്യമാണ്. അദ്ദേഹം തിരക്കഥയൊരുക്കുകയോ കഥയെഴുതുകയോ ചെയ്ത ചിത്രങ്ങള് പലതും സൂപ്പര് ഹിറ്റുകളാണെന്നത് അറിയുമ്ബോള് തീര്ച്ചയായും അത്ഭുതം തോന്നിയേക്കാം. ആരോടും പരിഭവം കാണിക്കാത്ത ആരോടും പരദൂഷണം പറയാത്ത സെറ്റില് എന്ത് ഫുഡ് വിളമ്പിയാലും കുറ്റം പറയാതെ കഴിക്കുന്ന ജഗദീഷ് മലയാള സിനിമയിലെ വരാനിരിക്കുന്ന തലമുറയ്ക്ക് തീര്ച്ചയായും വഴികാട്ടിയാക്കാവുന്ന പ്രമുഖ താരങ്ങളില് ഒരാളാണ്. മദ്യപാനമോ പുകവലി ശീലമോയില്ലാത്ത ജഗദീഷ് തന്റെ വ്യക്തിത്വം കൊണ്ട് ആര്ക്കും സമ്മാനിക്കാന് കഴിയാത്ത ഒരു ഏട് സിനിമാ ലോകത്ത് വരച്ചിടുന്നു, നാല്പ്പതോളം സിനിമകളില് നായകനായി അഭിനയിച്ച ജഗദീഷ് പിന്നീടു ടിപ്പിക്കല് കഥാപാത്രങ്ങളിലേക്ക് തളയ്ക്കപ്പെടുകയായിരുന്നു, തനിക്ക് നായകനാകാന് കിട്ടിയ അവസരങ്ങളെല്ലാം സിനിമയില് നിന്ന് കിട്ടിയ ബോണസായി മാത്രമേ കണക്കാക്കുന്നുവെന്നും, ഇവിടുത്തെ ഒരു ക്ലിക്കുകളും തന്നെ ഒഴിവാക്കിയതായി തോന്നാറില്ലെന്നും ജഗദീഷ് പറഞ്ഞിട്ടുണ്ട്.
ഈ കാലയളവുകൾ കൊണ്ട് നിരവധി മേഖലകളിൽ തന്റെ സാനിദ്യം അറിയിച്ച താരം ഇത് വരെ സംവിധാനത്തിലേക്ക് കാലെടുത്തു വെച്ചിട്ടില്ല. എന്നാൽ താരം ഉടൻ തന്നെ സംവിധാന രംഗത്തേക്കും കടക്കുന്നത് കാണാൻ ആകാംഷയോടെ ഇരിക്കുകയാണ് മലയാള സിനിമ പ്രേക്ഷകരും.